Еңбек адамдарына «Егемен ел патриоты» төсбелгісі табысталды

Егемендік декларациясы – Тәуелсіздіктің бастауы. Алғаш рет ұйымдастырылған форумға түрлі салада ел дамуына үлес қосқан аға буын өкілдері қатысты. Конкурс форматында үздіктерді анықтаған шараға мыңға жуық өтініш түскен. Солардың арасында әр өңірден іріктеуден өткен жүзге жуық еңбек адамына «Егемен ел патриоты» төсбелгісі табысталды.

Саят Талғатұлы, «Bilim orkenieti» Ұлттық инновациялық ғылыми зерттеу орталығының атқарушы директоры:

Қыркүйек айында республикалық байқау ұйымдастырылған. Негізгі талаптары Республика күніне байланысты эссе жазу. Жеңімпаздардың республика күніне байланысты эсселері кітапқа басып шығарылады және де арнайы төсбелгі «Егемен ел патриоты» деген және де қосымша сыйлықтар табысталады.

Жасан Зекейұлы, профессор:

Бүгінгі марапат иелері нағыз өздерінің жолын тапқан, марапат та өз иесін тапқан шара болайын деп отыр. Өйткені ұлт патриоты қазіргі заманға керек. Мен қоғамдық ұйымдар қатарынан қосылып, атқарған істерімнің нәтижесін көрсетіп, іріктеуден өткеннен кейін марапатқа ие болып отырмын.

Серік Жұмабек