Австралияда 16 жасқа дейінгі балаларға әлеуметтік желіні қолдануға тыйым салатын заң қабылданбақ

Австралия билігі 16 жасқа толмаған балаларға әлеуметтік желіні қолдануға тыйым салатын заң қабылдауға ниетті. Мұны премьер-министр Энтони Альбанезе мәлімдеді. Аталған заң жобасы жыл соңына дейін парламентке ұсынылады. Мақұлданса, құжат 12 ай ішінде күшіне енуі тиіс. Әлеуметтік желіні шектеу туралы заң күші 16 жасқа дейінгі балалардың барлығы үшін бірдей болмақ. Бұл тыйымға ата-ананың қандай да бір шешімі әсер ете алмайды.

Энтони Альбанезе, Австралия премьер-министрі:

Әлеуметтік желі балаларымызға зиянын тигізіп жатыр. Мен мұны тоқтатуға шақырамын. Мыңдаған ата-ана, ата-әже, аға, апамен сөйлестім. Олар да мен сияқты балалардың әлеуметтік желілердегі қауіпсіздігіне алаңдайды. Австралиялық отбасыларға айтарым: үкімет сізді қолдайды.

Арай Төлегенқызы