Washington Post: Трамп пен Путин телефон арқылы сөйлесті

АҚШ-тың сайланған президенті Дональд Трамп Ресей президенті Владимир Путинмен телефон арқылы сөйлесті. Америкалық Washington Post газетінің жазуынша, қарашаның 7-де болған сұхбатта Трамп Кремль басшысына Украинадағы соғысты өршітпеуге кеңес берген. Бұған қоса Еуропа құрлығында бейбітшілікке қол жеткізудің маңызы да қозғалған. Бұған дейін шетелдік басылымдар Дональд Трамп Украина президенті Владимир Зеленскиймен де телефон арқылы сөйлескенін жазған еді. Ал сайлауалды науқан барысында Трамп Украинадағы соғысты «бір күнде тоқтататынын» мәлімдеді. Алайда бұған қалай қол жеткізетінін айтқан жоқ. 

Арай Төлегенқызы