Мемлекеттік қызметкерлерге гендерлік теңдік бойынша тренинг өтіп жатыр

Астанада «Біріккен Ұлттар Ұйымының әйелдер құрылымы» кеңсесінің ұйымдастыруымен заңдар мен құқықтық актілерге гендерлік сараптама енгізу бойынша мемлекеттік қызметшілерге арналған тренинг өтіп жатыр.

Қатысушыларға Финляндиядан келген профессор Марианна Муравьева дәріс оқиды. Ұйымдастырушылардың айтуынша, маңызды құжаттардың бәріне зерделеу жүргізілсе, халық үшін тиімді болады. Сонымен бірге бұл бастама қоғамда гендерлік теңдіктің қалыптасуына ықпал етеді дейді.

Дина Әмрешева, Қазақстандағы «БҰҰ әйелдер құрылымы» кеңсесі басшысының міндетін уақытша атқарушы:

Тек оқыту тренингтеріне ғана емес, гендерлік теңдік мәселелерін ілгерілету мен шешім қабылдау кезінде азаматтардың белсенді қатысып жүргеніне қуаныштымыз. Шарадан біз айтарлықтар нәтиже күтеміз. Мемлекеттік қызмет пен заң саласында жұмыс істейтін азаматтар әйел мен еркектің теңдігіне байланысты нормативтік құқықтық актілерді оқыған кезде, негізгі өлшемдерді айықтай алады. Осылайша олардың біліктілігі арта түседі.

Асылбек Данияр