Президент «Әл-Азһар» университетінің жоғарғы имамымен кездесті

Мемлекет басшысы «Әл-Азһар» университетінің Жоғарғы имамы Ахмед ат-Тайебпен кездесті. Президент рухани тәлім-тәрбие мен ізгіліктің шамшырағы саналатын «Әл-Азһар» университетінің абырой-беделіне Қазақстан құрметпен қарайтынын жеткізді. Сонымен қатар толеранттылық пен конфессияаралық диалогтың нығаюына зор үлес қосқаны, ислам дінінің шынайы қағидаттарын дәріптегені үшін Жоғарғы имамға ризашығын білдірді.

Әңгімелесу барасында Теологиялық білім беру және ғылыми зерттеулер бағытындағы ынтықмақтастықты кеңейту мүмкіндіктері талқыланды. Кездесу соңында Қасым-Жомарт Тоқаев шейх Ахмед ат-Тайебті келесі жылы Астанада өтетін 8-ші Әлемдік және дәстүрлі діндер көшбасшыларының съезіне қатысуға шақырды.

Нұрсұлтан Тілектес