Елімізде аутизм диагнозы бар балалар велоспортпен айналыса бастады

«Самұрық-Қазына» әл-ауқат қоры ерекше қажеттілігі бар 30 бала үшін Астанада велоспорт жаттығуларын ұйымдастырды. Жасөспірімдер жарысқа қажетті киім-кешек және құрал-жабдықпен қамтамасыз етілген. Қор басшысы велоспорт ерекше балалардың күш-қуаты мен төзімділігін жақсартып қана қоймай, қоғамға бейімделуіне септігін тигізетінін жеткізді. Сондай-ақ, пара спорттың дамуына зор ықпал етеді. Шара соңында жасөспірімдерге сертификат табыстады. Ал жуырда ғана Францияда өткен халықаралық жарыста күміс жүлде иеленген пара спортшы Дастан Ордабайға көлік сыйлады.

Ғаділбек Қайрат, жаттықтырушы:

Біздің клуб Қазақстанда алғашқы болып ашылған проект. Ерекше балаларға арналған. Бұл жерде әр балаға жеке методика болады. Балалар әр түрлі. Бір балалар келгеннен 1-2 жаттығудан кейін үйреніп кетеді. Ал кейбір балаларға көбірек уақыт бөлу керек.

Айя Мүтәлі