Түркістан облысында демалыс орындары қоқыстан тазартылды

Түркістан облысының Сайрам ауданында жергілікті халық «Таза бейсенбі» шарасын өткізді. Көлкент ауылының тұрғындары мен белсенді жастар елдімекен маңындағы жолдардың бойын тазалап, жұрт тынығатын демалыс орындарын ретке келтірді. «Шатқал» саябағының аумағында қоқыстарды жинап шықты. «AMANAT» партиясының белсенділері ұйытқы болған ізгілікті іске ауыл тұрғындары ризашылығын білдірді.

Жасұлан Әбубәкірұлы, Теспе ауылының тұрғыны:

Бұрын осы тазалау барысында бір шақырымда 8-9 қапқа дейін қоқыс шығатын. Қазіргі таңда халық тазалықты көріп, мәдениет қалыптастырғаннан кейін 2-3 қаптан асып жатқан жоқ. Дәл осылай іс-шаралар жалғаса берсе, халық тазалық сақтауды үйренеді.

Айнұр Әбілқасымқызы