Президент Шөмішбай Сариевтің шығармашылығына арналған концертті тамашалады

Президент Қасым-Жомарт Тоқаев ақын Шөмішбай Сариевтің шығармашылығына арналған концертті тамашалады.

Шөмішбай Сариев - Франц Кафка атындағы халықаралық Алтын медаль сыйлығының лауреаты, белгілі ақын, қазақ руханиятының аса көрнекті өкілі. Концертте қазақстандық эстрада жұлдыздары өнер көрсетіп, оркестрдің сүйемелдеуімен ақынның «Айналдым сенен, Атамекен-ай», «Сәлем саған, туған ел», «Өкінбе сен», «Өмір-өзен», «Сағындым сағым жылдар», «Сарыарқа» және тағы басқа өлеңдеріне жазылған, халық сүйіспеншілігіне бөленген әндер орындалды.

Самал Қабышева