Астанада көшбасшы әйелдер бас қосты

Астанада 150-ден астам көшбасшы әйел бас қосты. «Amanat» партиясының Әйелдер қанаты ұйымдастырған шарада гендерлік теңдік, отбасы құндылықтары мәселелері талқыланды. Жалпы бүгінде партияға мүше азаматтардың 60% қыз-келіншектер. Сондықтан саяси ұйым ана мен балалар өмірін жақсартуға бағытталған жүйелі реформаларға белсене атсалысады. Мәселен көшбасшы әйелдерді даярлайтын курс жүргізіледі. Өңірлерде «Жанұя» отбасын қолдау орталықтары ашылды. «Балаңа уақыт арна!», «Қарызсыз қоғам», «Ауыл аманаты» секілді әйелдердің мүддесін қорғауға бағытталған біршама жоба бар.

Дәулет Кәрібек, «Amanat» партиясының атқарушы хатшысы:

Осыдан бір жыл бұрын қазақстандық әйелдердің саяси белсенділігін арттыру мақсатында, өзіміздің партияның ішіндегі әйел азаматтардың жұмысын күшейту мақсатында біздің партиямыздың жанында «Әйелдер қанаты» құрылған болатын. Осы бір жылдың ішінде көптеген маңызды шараларды жүзеге асырып, айтарлықтай жетістіктерге қол жеткізді.

Айя Мүтәлі