Қазақстан паспорты Орталық Азиядағы ең мықты төлқұжат деп танылды

Қазақстан паспорты ықпалы жағынан Орталық Азиядағы ең мықты төлқұжат деп танылды. «VisaGuide» ұйымы әлем елдері паспортының 2024 жылғы рейтингін жарялады. Тізімде Қазақстан паспорты Қытай, Тайланд, Армения, Индонезия және Беларусь сынды елдерді басып озып, 106 орынға жайғасқан. Айта кету керек, ұйым мамандары 199 елдің паспортына сараптама жасаған. Олар ел азаматтарының осындай құжатпен қанша елге визасыз кіре алатынын, шетелге жеткен уақытта виза алу мүмкіндігін есептеген. Рейтингте паспорты ең мықты елдердің үштігін Сингапур, Испания және Италия құрады. Орталық Азияның басқа да елдеріне тоқталсақ, Өзбекстан 125, Қырғызстан 134, Тәжікстан 141, Түрікменстан 161-орында тұр. 

Нұрсұлтан Тілектес