Астанада «Тең мүмкіндіктер» атты республикалық инклюзивті спорт фестивалі өтті

Астанада «Тең мүмкіндіктер» атты республикалық инклюзивті спорт фестивалі өтті. Оған 200-ге жуық бала қатысты. Оның үштен бірі – ерекше қажеттілігі бар бала. Олар жеңіл атлетика, бочча және эстафета сайыстары бойынша сынға түсті. Ал байқаудың іріктеу кезеңі еліміздің 18 өңірінде ұйымдастырылған. Онда шамамен 1 800-ге жуық бала бақ сынады. Айта өтейік, «AMANAT» партиясы сайлауалды бағдарламасына сәйкес мүгедектігі бар адамдар үшін тауарлар мен қызметтерге тапсырыс беруге арналған «Aleumet» қосымшасын іске қосты. Ерекше қажеттіліктері бар 15 мыңға жуық адам жұмыспен қамтылды. Мектептерде 63 инклюзияны қолдау кабинеті жұмысын бастады.

Шолпан Каринова, «AMANAT» партиясының хатшысы:

Осы орайда инклюзиялық спорт фестивалі партиямыздың "Кедергісіз келешек" партиялық жобасының аясында алғаш рет өткізіліп, барлық балаларды, оның ішінде ерекше мүмкіндіктерді, ерекше білімді қажет ететін балаларды өздерімнің құрдастарыммен қатар спорттық шарада бірге сайысуға, бас қосуға шақырды.

Айя Мүтәлі