Астанада республикалық жыршылар байқауы өтіп жатыр

Бұл дәл қазір Астанада өтіп жатқан республикалық жыршылар байқауынан үзінді. Тәуелсіздік күні мерекесі қарсаңында ұйымдастырылған жыр аламаны жастар арасында өтіп жатыр. Биылғы ерекшелігі – көзі тірі ақын-жыраулар: Айбек Тәңірбергенов пен Айдос Рахметовтың шығармаларын насихаттауға арналған.

«Жампоз жырдың айбозы...» атты байқауда еліміздің 8 облысынан келген 25 қатысушы бақ сынайды. Арасында мектеп оқушылары да бар. Екі кезең бойынша өзара үздіктер анықталады. Әділқазылардың шешімімен екі жеңімпаз анықталып, демеушілер тарапынан қаржылай сыйлыққа ие болады.

Бердіхан Әлмен, «Сөз бен саз» жобасының авторы, ұйымдастырушы:

Өмірден өтіп кеткен кісілердің конкурстарын, өмірден өтіп кеткен кісілердің кештерін өткізу қаншалықты қиын болса, өмірде бар тірі адамның конкурсын жасау, шығармаларын насихаттау ол екі есе қиын екенініне бүгін көзіміз жетіп отыр. Жүлде қоры бас жүлде 1 миллион теңге деп есептеп отырмыз. 500-500 мыңнан екі ағаның атына бөліп береміз.

Асылбек Данияр