Ақтөбе облысының әкімі есеп берді

Келесі жылы Ақтөбе облысының халқы таза ауыз сумен толық қамтылады. Бес жарым мың тұрғыны бар соңғы 11 ауылға су жүргізіледі. Сонымен қатар өңірдегі 24 ауылды газдандыру жоспары бар. Мақсат орындалса облысты көгілдір отынмен қамту 97 пайызға жетеді. Бұл туралы облыс әкімі Асхат Шахаров айтты. Бұдан басқа өңірде баспанаға сұранысты азайту мақсатында 975 мың шаршы метр тұрғын үй пайдалануға берілмек. Ал «Ақтөбе жастары» бағдарламасы аясында 70 жас отбасы баспанамен қамтылады. «Ауылдық денсаулық сақтауды жаңғырту» ұлттық жобасына сәйкес 7 денсаулық сақтау нысанның құрылысы басталады. 3 ауысымды, 2 апатты мектептің де мәселесі шешіледі, - деді өңір әкімі.

Асхат Шахаров, Ақтөбе облысының әкімі:

Алдағы жылда 16,4 мың оқушыға арналған 27 жаңа мектеп салынатын болады және бір 300 орындық балабақша құрылысы басталатын болады. Ол қайтарылған активтер бойынша республикалық бюджеттен 7,9 миллиард теңге бөлінеді және 27 ауылды интернетпен қамтамасыз етіп, қамту деңгейін 98,8%-ға дейін жеткізіміз.

Асылбек Данияр