Қостанай облысында жол апатынан 3 адам көз жұмды

Қостанай облысында ірі жол апаты болды. Қостанай – Әулиекөл – Сұрған тас жолы бойында Тойота Альфард және жүк көлігі соқтығысып, жеңіл көліктегі үш жолаушы көз жұмды. Таксиде отырған тағы үш адам ауруханаға жеткізілді. Арасында 11 жастағы бала да бар. Қайтыс болғандардың барлығы мұғалім. Полиция «Абайсызда екі немесе одан да көп адамның өліміне әкелген жол көлік оқиғасы» бабы бойынша іс қозғады. Алдын ала болжамға сәйкес, жүк көлігінің жүргізушісі ұйықтап кеткен.

Оңғар Алпысбайұлы