Астанада Euronews телеарнасының өңірлік кеңсесі ашылды

Астанада Euronews телеарнасының өңірлік кеңсесі ашылды. Енді әлемдік ақпарат агенттігі Қазақстаннан да хабар таратады. Бұған дейін Бірлескен ынтымақтастық аясында Euronews 39 миллионнан астам көрерменді қамтыған Көшпенділер ойындарының материалдарын трансляциялаған.

Сондай-ақ қазақ халқының мәдени мұрасы мен инвестициялық жобалары туралы 10 бағдарлама, хабарлар мен сұхбаттар жарияланды.

Аида Балаева, ҚР Мәдениет және ақпарат министрі:

Euronews объективті әрі өзекті ақпарат тарататын халықаралық сенімді ақпарат көзі ретінде өзін танытқан бірегей медия. ол әлем халқын біріктіруге ықпал етіп келеді. Euronews кеңсесінің ашылуы тек географиялық ауқымын кеңейту емес, сондай-ақ, Қазақстанның бай мәдени мұрасын, заманауи жетістіктерін әлемге көрсетуге берілген жаңа мүмкіндік деп білемін.

Оңғар Алпысбайұлы