Талдықорған әкімдігі отшашуға 5 млн теңге бөлген

Талдықорған әкімдігі жаңажылдық отшашуға жергілікті бюджеттен 5 млн теңге жұмсамақ. Мемлекеттік сатып алу порталына конкурс жариялап, жеңімпаз да анықталып қойған. Әкімдіктегілер халыққа мерекелік көңіл күй сыйлағысы келгенін және былтыр да осындай көлемде қаржы қарастырылғанын айтып отыр.

Сондай-ақ отшашу 9 мамырда және қала күнінде де ұйымдастырылады. Жалпы, облыс орталығы биылғы жаңжылдық безендіруге 36 млн теңгеге жуық қаржы жұмсады.

Жеңіс Аңдабеков, қала әкімінің орынбасары:

Нарықта отшашудың бағасы оның уақытына қарай есептеледі. Бір минуттық, екі минуттық, бес минутқа дейін отшашудың бағасы төмен болады. Ал біз қолданатын отшашу 10-12 минуттық.

Қуаныш Қанатұлы