Талдықорғанда Мемлекет басшысының сұқбаты талқыланды

Мемлекет басшысы Қасым-Жомарт Тоқаевтың жыл басында «Ана тілі» газетіне берген сұхбаты еліміздің даму стратегиясын айшықтайтын бағдарламалық құжат іспетті. Өйткені мақалада мемлекетіміздің өткені сараланып, болашақтағы жоспарлары көрсетілген. Президент ел аузында жүрген түрлі болжамдардың да нақты жауабын беріп, нүктесін қойды дейді жетісулық ақын, халықаралық «Алаш» сыйлығының иегері Әміре Әрін. Қоғам қайраткері мемлекет басшысының елімізде болған түрлі оқиғалардан сабақ алып, тұрақтылық пен бірлікке негізделген саясатына ең алдымен халық қолдау көрсету керек деген пікірде.

Әміре Әрін, ақын, халықаралық «Алаш» сыйлығының иегері:

Мен өзім бастаған реформаларды аяғына дейін жеткізуім керек. Елдің егемендігіне, экономикасының артуына қызмет етуге бейілмін деді. Бұдан артық қалай деуге болады? Міне Президенттің кесімді, келісті сөзі біздің де жүрегімізге от бергендей, дем бергендей болып отыр. Неге? Өйткені қалай да елімізде үлкен өзгерістер болып жатыр.

Қуаныш Қанатұлы