Петропавлда дүкен өртеніп, ұйқыда жатқан 68 тұрғын эвакуацияланды

Бүгін таңғы сағат 05:00 шамасында Петропавлда дүкен өртеніп, шырт ұйқыда жатқан 68 адам эвакуацияланды. Оның 18-і бала. 5 тұрғынға шұғыл түрде психологиялық көмек көрсетілді.

Белгілі болғандай, отқа оранған азық-түлік дүкені тұрғындар тұратын көпқабатты үйдің бірінші қабатында орналасқан. Қазір қызыл жалын оқшауланды. Оқиға орнында штаб ұйымдастырылды. Төтенше жағдайлар қызметінің психологтары да үрейленген тұрғындармен жұмыс істеп жатыр.

Самал Қабышева