«Кел, шәй ішейік» акциясы жалғасып жатыр

Дәстүрлі «Кел, шәй ішейік» акциясы жалғасып жатыр. Бүгін Астанада «Жастар рухы» жастар қанатының мүшелері мен еріктілер коммуналдық қызметкерлерге ыстық шәй мен тәттілер таратып, олардың жұмысына қолғабыс етті. Ұйымдастырушылар осы арқылы жастардың еңбек адамына деген құрметі мен қоғамдық жауапкершілігін арттыруды көздейді. Республикалық акцияда 5 мыңнан астам коммуналдық қызметші қамтылған.

Інжу Жұмайқызы, «Жастар рухы» жастар қанаты ұйымдастыру және аймақпен жұмыс басқармасының жетекшісі:

Бұл акция еліміздің барлық 20 аймағында ұйымдастырылып жатыр. Қазірге дейін 50-ге жуық акция өткізіліп, 2000-нан астам белсенді осы жұмысқа жұмылдырылып жатыр және бұл акция көктемге дейін жалғасын табатын болады.

Серік Жұмабек