Заңгер: Ұжымдық арыз шығынды өндіруге көмектеседі

Астана-Щучинск автобанындағы 95 көліктің мәселесі әлі шешілген жоқ. Заңгер көліктер жаппай жол апатына түскенде заң аясында көлік жүргізушілердің қандай құқы бар екені түсіндірді. Егер ақылы жолдардағы жаппай көлік апатының себебімен келіспей, кінәні жолдағы қауіпсіздік шараларының сақталмауынан деп санаған жағдайда ұжымдық негізде арыз жазуға болады. Осылайша жолға жауапты мекемеден шығынды өндіріп алуға құқылы деп отыр.

Бердімұрат Хасенұлы, заңгер:

Егер жол көлік оқиғасының себебімен келіспейтін болса. жүргізушілер ұжымдық арыз-талап қоюға толыққанды құқы бар. Жауапты тұлғалардан өзіне материалдық және моральдық шығын талап етуге де құқы бар. Бұл - олардың Конституциялық құқығы. Бірақ ол дүниені талап етпес бұрын арнайы мамандарға жүгіну арқылы, заңгерлерге жүгіну арқылы көлік оқиғасынан зардап шеккен жүргізушілер арнайы экспертиза тағайындаттырып, ұжымдық тұрғыда арыз-шағым жазатын болса,  нәтиже шығуы әбден мүмкін.

Серік Жұмабек