Арал қайраңына егін егеді

Алдағы екі айда Арал теңізі аумағындағы 100 мың гектар жерге егін егіледі. Бұл шара «Таза Қазақстан» акциясы аясында жүріп жатыр. Оған КАТКО, «Orano Mining SA» француз мемлекеттік компаниясы мен «Қазатомөнеркәсіп» секілді өзге ұлттық және жеке компаниялар атсалысып отыр. Мақсаты – экологиялық жағдайды жақсарту және аймақтардың тұрақты дамуын қамтамасыз ету. Өткен айда Арал теңізі аумағындағы 12 мың гектар жерге егін егілген.

Исатай Әбдіразақов, Орман шаруашылығы және жануарлар дүниесі аумақтық инспекциясы басшысының орынбасары:

Бүгінгі күнге шамамен 380 мың гектар шамасында номерация жұмыстары жүргізілді. Оның ішінде тұқым себу және көшет отырғызу жұмыстары бар. Қазіргі уақытта теңіздің құрғаған табанында 120 мың гектар жерге галофитті өсімдіктердің тұқымын себу жүргізіліп жатыр.