«Қазақмыс» кенішінде бір жұмысшы қаза болды

Шығыс Жезқазған кенішіндегі «Анненская» шахтасында бір жұмысшы қаза болды. Бұл туралы «Қазақмыс» компаниясының баспасөз қызметі хабарлады. Өндірістік апат салдарынан 39 жастағы 5-разрядты ұсақтағыш маман жазым болған. Оқиғаның мән-жайы мен себептерін анықтау үшін арнайы комиссия құрылды.

Компания марқұмның туыстары мен жақындарына көңіл айтып, жерлеу шығындары мен ұжымдық шартта көзделген барлық қажетті көмек көрсетілетінін мәлімдеді.

Серік Жұмабек