Қарағанды облысында сатушыны өлтірді деген күдікті ұсталды

Саран қаласында сатушы әйелді айуандықпен өлтірген күдікті ұсталды. Қарағанды облысы Полиция департаментінің мәліметінше, қылмыс орнынан бой тасалап үлгерген қарақшы жедел шаралардың нәтижесінде қамауға алынды.

Қазір 50 жастағы ер адамға қатысты қылмыстық іс қозғалып, тергеу жүріп жатыр. Кеше Саран қаласында белгісіз біреу азық-түлік дүкеніне ұрлыққа түсіп, 27 жастағы сатушыны пышақтап кеткен. Келіншек оқиға орнында көз жұмды. Марқұмның артында 2 баласы қалды. 

Динара Жарқынбек