Батыс Қазақстанда 44 жылқыны ұрлап кеткен барымташылар ұсталды

Батыс Қазақстан облысында 44 жылқыны ұрлап кеткен барымташылар ұсталды. Күдіктілер жайылымда жүрген бір үйір жылқыны көршілес ауданға айдап кеткен. Ұрланған мал тәркіленіп, иесіне қайтарылды. Шығын көлемі - 17,6 млн теңге. Ұсталған үш адамның екеуі бұрын мал ұрлығы үшін қылмыстық жауапкершілікке тартылған. Топ құрамында қала мен аудан тұрғындары бар. Тергеу басталды. Барымташылардың осыған ұқсас қылмыстарға қатысы бары тексеріліп жатыр. Күдіктілер уақытша ұстау изоляторына қамалды.

Ардақ Мұратқызы