Өзбекстандағы балабақшада сәбилер улы жыландардың шоуын тамашалаған

Өзбекстанда балабақшадағы сәбилерге улы жыландармен шоу көрсеткен. Бұл оқиға бүкіл желіні шулатты. Бүлдіршіндер ирелеңдеген қос бірдей кобраға тым жақын отырған.

Видеода көрініп тұрғандай қойылымнан соң жүргізуші екі жыланды құйрығынан абайлап ұстап, қорапқа салады. Кішкентай сәбилердің бұл көрініске мәз мейрам болып, қол соғып жатқаны да байқалады. Мұны көрген желі қолданушылары «аталған жылан түрлерінің әрекеті жылдам әрі аса улы» екенін жазып жатыр.

Бұл жағдайға алдымен балалар омбудсмені назар аударды. Көп ұзамай табиғат қорғау инспекторлары жыландарды тәркілеп, зообаққа өткізді. Ал іс бойынша материал сотқа жіберілді.

Базаркүл Отыншиева