Алматыда Жеңістің 80 жылдық мерейтойына арналған іс-шаралар басталды

Алматыда Жеңістің 80 жылдық мерейтойына арналған іс-шаралар легі басталды. 28 гвардияшыл панфиловшылар саябағындағы мәңгілік алауға гүл шоқтары қойылды. Салтанатты жиынға әскери қызметшілер, ардагерлер мен курсанттар қатысты. Мақсат – сұрапыл соғыста көз жұмған жауынгерлердің ерлігін еске алу, олардың қайсарлығы мен қаһармандығын өскелең ұрпаққа үлгі ету. Қазір республика бойынша 120 соғыс ардагері бар. Оның көбі, яғни 25-і Алматы қаласында тұрады. Қорғаныс министрлігінің мәліметінше, Жеңістің 80 жылдығына орай ел бойынша 90-нан аса шара жоспарланып отыр.

Тілеухан Басқожаев, ҚР Қорғаныс министрлігінің Департамент бастығы:

Ардагерлерді мадақтап, Қорғаныс министрінің атынан құттықтауын жеткіздік. Әр ардагердің бекітілген сомасы бүкіл ТМД бойынша ең жоғары Қазақстанда, 5 млн теңгеден қазіргі таңда бекітіліп отыр. Сондай үлкен-үлкен іс шаралар өтеді.

Жазира Оразқызы