БҚО-да алименттен жалтару үшін аты-жөнін өзгертіп, қос азаматтық алған ер адам ұсталды

Батыс Қазақстан облысында алимент төлемеу үшін аты-жөнін өзгертіп, қос азаматтық алған ер адам ұсталды. Көші-қон қызметі 48 жастағы тұрғынның Қазақстанмен қоса, Ресей азаматтығын және жалған төлқұжат алғанын анықтады.

Жауапкершіліктен жалтарған ол шекара қызметін алдап, өткізу бекеттерін кедергісіз кесіп өткен. Заңсыз әрекеті дәлелденді. Сот шешімімен 540 мың теңге айыппұл салынды. Былтыр өңірде 57 адамның қос азаматтық алғаны анықталды.

Ардақ Мұратқызы