Оңтүстік Кореяда ұшақ өртінің себебі анықталып жатыр

Оңтүстік Кореяда болған ұшақ өртінің мән-жайы анықталып жатыр. Оқиға Пусан қаласындағы халықаралық әуежайда болды. «Эйр Пусан» әуе компаниясына тиесілі лайнер Гонконгқа ұшуға дайындалып жатқан. Кенеттен өрт ұшақтың артқы бөлігінен шықты. Оның бортында болған 169 жолаушы мен 7 экипаж мүшесі аман-есен эвакуацияланды. 7 адам жеңіл жарақат алған. Олар ауруханаға жеткізілді.

Тағы бір оқиғаны еске салайық, желтоқсанның соңында Оңтүстік Кореяда жолаушылар ұшағы қонар кезде апатқа ұшырап, оның бортында болған 181 адамның екеуі ғана тірі қалған.

Арай Төлегенқызы