Германия парламенті иммиграциялық реформаны құптаған жоқ

Германия парламенті басым дауыспен иммиграцияны шектейтін реформалар легін қабылдаған жоқ. Құжатты оппозициялық Христиан-демократиялық одағы дайындаған еді. Оны әсіре оңшыл «Германия үшін балама» партиясы қолдады. Заң жобасын 338 депутат жақтаса, 350-і қарсы шықты. Христиан-демократиялық одағының лидері Фридрих Мерц жоғарыда аталған ультра оңшыл партияның қолдауына сүйенуге тырысты. Мерц Германияның келесі канцлері болуы мүмкін деген болжам айтылып жүр. Ал иммиграцияға қатысты заң жобасы Германиядағы иммигранттардың санын азайтуға және оларға өз туыстарын елге алып келу құқығын шектеуге бағытталған.

Арай Төлегенқызы