Оралда көлік мұзға түсіп кетіп, екі адам қаза тапты

Оралда жеңіл көлік мұз астына суға батып кетіп, екі адам қаза тапты. Оқиға Деркөл өзенінде «Самал» шағын ауданында болған. Әзірге көліктің неліктен жұқа мұз үстінде жүргені белгісіз болып отыр. Құтқарушылар кешкісін суға батқан көліктен екі адамның денесін алып шықты. Кейін көліктің өзін шығарып алды. Полиция қаза тапқандардың денесінде ешқандай зорлық-зомбылық белгісі болмағанын растады. Мүрделер сараптамаға жіберілді. Оқиғаның мән-жайы анықталып жатыр.

Ардақ Мұратқызы