Грекияда туристер арасындағы танымал аралда жер бірнеше мәрте сілкінді

Эгей теңізіндегі Санторини аралында қуаты 4,9 балдық жер сілкінісі болды. Ал арал маңында соңғы күндері 280 шағын дүмпу болған. Мұны Афинаның сейсмологиялық зертханасы мәлімдеді. Грекия билігінің мәліметінше, өңірдегі сейсмикалық белсенділікке тектоникалық тақталардың жылжуы түрткі болған. Мұның жанартау атқылауына еш қатысы жоқ. Дегенмен кейбір жергілікті тұрғындар мен туристер Санториниден кетуді жөн деп тапқан. Оларға арнап қосымша паромдар мен әуе рейстері ұйымдастырылды. Адамдарға ғимарат ішінде көптеп жиналуға, аралдың жекелеген аудандарына баруға тыйым салынды. Аралда 15 миллион адам тұрады. Алайда жыл сайын мұнда миллиондаған турист барады екен.

Арай Төлегенқызы