ДДСҰ бюджетін қысқартуы мүмкін

Дүниежүзілік денсаулық сақтау ұйымы бюджетін 400 млн долларға қысқартуы мүмкін. Оның үстіне персоналды жұмысқа алуды тоқтатқан. Бұған Дональд Трамптың Американы БҰҰ-ның агенттігінен шығару туралы шешімі түрткі болған.

Ал Құрама Штаттар Дүниежүзілік денсаулық сақтау ұйымының ең ірі доноры екені мәлім. Оның бюджетінің 18 пайызы АҚШ-тың үлесінде. Ұйымның бас директоры Тедрос Адханом Гебрейсус Вашингтонды шешімін қайта қарауға, ұсыныстар жасауға үндеді. Трамп АҚШ-ты ұйымнан шығаратынын екі апта бұрын жариялаған еді. Бұл процесс бір жылға созылуы мүмкін.

Арай Төлегенқызы