Темір жолдарды жөндеу жұмыстары 96 пайызға аяқталды

Былтыр жолаушы тасымалының сапасын арттыру мақсатында 1400 шақырымға жуық темір жол жөндеуден өтті. Бұл туралы Көлік министрлігінің өкілдері хабарлады.

Бүгінге дейін Ақтоғай-Семей-Алтай, Шу-Қандыағаш, Қандыағаш-Ақсарай, Астана-Алматы, Алматы-Павлодар, Жаңа-Есіл-Көкшетау бағыттарындағы 1352 шақырым темір жол жөнделді. Атап айтсақ, оның 569 шақырымына күрделі, 181 шақырымына кешенді және 602 шақырымына жоспарлы - алдын ала жөндеу жұмыстары жүргізілді. Елдің солтүстігінде маусым аяқталды, оңтүстік өңірлерде жұмыс жалғасып жатыр. Биыл тағы еліміздегі теміржолдардың 1480 шақырымы қалыпқа келтірілмек.

Нұрсұлтан Тілектес