Азиада-2025: Шаңғышылар күміс жүлде жеңіп алды

Бүгін Қытайдың Ябули қаласында шаңғы жарысынан әйелдер арасындағы эстафетада отандастарымыз күміс медаль жеңіп алды. Команда құрамында: Ксения Шалыгина, Камила Елғазинова, Ангелина Шурыга, Надежда Степашкина бар. Бұл сында алтын - Қытай, қола - Жапония қыздарына бұйырды. Сондай-ақ, ски-альпинизмнен аралас жұптық кезеңде бақ сынаған Әсем Назырова мен Нияз Жанзақов финалға жолдама алды. Ал хоккейден әйелдер құрамасы топтық кезеңнің кезекті ойынында Жапония құрамасынан 0:4 есебімен жеңіліп қалды. Қыздар енді кезекті матчты жарыс қожайыны Қытай құрамасына қарсы өткізеді.

Асылбек Данияр