«Келешек» жүйесінің қатысушылары ЖОО-да жеңілдікпен оқи алады

«Келешек» бірыңғай ерікті жинақтау жүйесінің қатысушылары «Coventry University Kazakhstan» университетінде 20 пайыз жеңілдікпен оқи алады. Бүгін аталған оқу орны мен «Қаржы орталығы» АҚ арасында екі жақты келісімге қол қойылды. Меморандум болашақ студенттердің әлемнің үздік университетінде сапалы білім алуын қамтамассыз етіп, олардың халықаралық алаңда бәсекеге қабілетті болуына ықпал етпек.

Айта кету керек, Британ университетінің Астанадағы тұңғыш кампусы Мемлекет басшысының «Келешек» бастамасын қолдаған алғашқы шетелдік оқу орны.

Ермек Мақаш, «Қаржы орталығы» АҚ басқарма төрағасының орынбасары:

Бес жасқа толған бала 18-ге келіп, қаражатта Coventry университетіне түсуге жоспары бар болса, ол осында келгеннен кейін университет тарапынан оған үлкен жеңілдік беріледі. Яғни ақшасы жеткілікті болады. Басқа университеттерде әртүрлі. Бір жерде 30 пайыз, бір жерде 50 пайызға дейін жеңілдік береді.

Серік Жұмабек