Еңбек қауіпсіздігінің тәуелсіз мониторингін жүргізу керек

Еліміздегі әр кен орны мен шахтаға еңбек қауіпсіздігінің тәуелсіз мониторигін жүргіу керек. Сонда ғана оқыс оқиға мен жазатайым жағдай азаяды. Бұл - Өскемендегі Дәулет Серікбаев атындағы техникалық университеттің тау кен факультетінің аға оқытушысы Евгений Бахтиннің пікірі. Техника ғылымдары кандидатының пайымынша қазір жерасты кен орындарының экологияға тіпті адам денсаулығына қанша зияны бар екені туралы нақты мәлімет жоқ. Ұлытауда 7 адамның өмірін жалмаған жазатайым жағдай осыған дәлел. Ал мыс пен мырыш кені қатар қазылатын жабық шахта желдетілмесе күкіртті сутек шоғырлануы мүмкін.

Евгений Бахтин, техника ғылымдарының кандидаты:

Егер мыс пен мырыш қатар қазылатын кен орны болса, ол жерде күкіртті сутек шоғырлануы да мүмкін. Ол адам өміріне қауіпті. Егер өте көп мөлшерде жиналса жарылыс болуы да ықтимал.