Биыл автожолдарға интернет антенналар орнатыла бастайды

Биыл республикалық маңызы бар автожолдарға интернет антенналары орнатыла бастайды. Сала өкілдерінің айтуынша, ұялы байланыс атымен жоқ 200-ден астам орын анықталған. Ұлттық жоба аясында бас-аяғы 500-ге жуық антенна – діңгек құрылысы салынады. Бұл жұмыс 2027 жылдың соңына дейін аяқталады. Сонымен бірге келесі жылдың соңына дейін халық саны аз 328 ауыл сапалы интернетпен қамтылмақ. 

Азамат Серіктаев, ЦДИАӨМ телекоммуникациялар комитетінің басқарма басшысы:

Аталған орындарда қазіргі таңда жергілікті атқарушы органдармен жобалық-сметалық құжатты дайындау жұмыстары атқарылып жатыр. 110-нан астам жобалық-сметалық құжат сараптаманың оң нәтижесін алды. Бірінші кезекті республикалық маңызы бар жолдар, екінші кезекте облыстық автожолдар қамтылатын болады.

Асылбек Данияр