Басты Жаңалықтар Үндістанда қазақ күресінен әлем чемпионаты басталды

Үндістанда қазақ күресінен әлем чемпионаты басталды

27.02.2025 10:21

Үндістанда қазақ күресінен кезекті әлем чемпионаты басталды. Жарыстың алғашқы күні қазақстандық балуандар 6 алтын, 1 күміс және 1 қола жүлдеге ие болды. Екі күнге созылатын тартысты боз кілем бәсекесінде 20-ға жуық елдің балуандары кіл мықтыны анықтап жатыр. Ерлер мен әйелдер 8 салмақ дәрежесінде белдесуде. Бұл сын Біріккен күрес әлемінің жарыстар өткізу күнтізбесіне еніп, Белбеулі күрес түрлері комитетінің бақылауымен өтіп жатыр. Қазақ күресі қауымдастығының қолдауының арқасында төл өнеріміз жер жаһанға кеңінен насихатталып келеді.

Нұр Аманшүкіров, қазақ күресінен әлем чемпионы:

Осы жолы қиын болды, алдыңғыға қарағанда салмақ көп қудым. Дайындық та жақсы болды өте жоғары деңгейде болды. Мен үшін финалда гүржі балуанымен күрескен қиынға соқты.

Асылбек Данияр

Автор

Асылбек Данияр

Бөлісу