Ақмола облысында 100 жастағы кейуананы құттықтады

Ақмола облысындағы Қазақстан халқы Ассамблеясының мүшелері 100 жастағы кейуананы құттықтады.

Хадиша Теңізбаева соғыс уақытында шойын жолмен майдан даласына азық-түлік, қару-жарақ тасымалдады. Осы ерлігі үшін «Үздік паровозшы» атағына ие болды. Қазақстанға 60-шы жылдары көшіп келген ол кейін мектепте ұстаздық еткен. Халық ағарту ісінің үздігі атанған.

Хадича Теңізбаева, Қазақ КСР Халық ағарту ісінің қызметкері:   

Қымбатты қазақстандықтар! Біз осы қазақ елінде неміс, орыс, татар деп ұлтқа бөлінбей, тату-тәтті өмір сүріп жатырмыз. Қазақстан – біздің сүйікті мекенімізге айналды. Бүгінгі жастарға айтарым, өз Отандарыңды сүйіңдер. Бір-біріңе құрметпен қарап, қолдау көрсетіңдер. Қазақстанымыз гүлдене берсін!