Қазақстанға ІТ мамандарды тарту үшін жаңа жоба іске қосылды

Шетелдік ІТ мамандар Қазақстанда тұрақты тұруға рұқсат алуы жеңілдейді. Ол үшін арнайы «Digital Nomad Residency» жобасы іске қосылды. Осылайша әлемдік ІТ таланттары елге тартылып, цифрлық экономикаға үлес қосады деген жоспар бар. Шетелдік маман Astana Hub порталында өтініш беріп, қажетті құжаттар мен мәліметтерді ұсынған соң, Цифрлық даму министрлігі өтінішті мақұлдайды. Кейін eGov.kz порталында тұрақты тұруға рұқсат алу үшін өтініш беру қажет. Қарау мерзімі – 45 күн. Жоба бірнеше министрліктің бірлескен жұмысының нәтижесі. Қосымша ақпаратты Astana Hub сайтынан білуге болады.

Оңғар Алпысбайұлы