Әлемде тариф дауы ушықты

Бүгін АҚШ-та Қытай, Мексика мен Канададан импортталатын тауарларға тариф күшіне енді. Оған сай Мексика мен Канада 25 пайыз, ал Қытай 20 пайыз баж салығын төлеуі тиіс. Трамптың пікірінше, бұл елдер фентанил контрабандасымен жеткілікті деңгейде күресіп жатқан жоқ. Канада 150 млрд долларлық америкалық тауарға 25 пайыз баж салығын жариялайтынын мәлімдеді. Мексика да сәйкесінше жауап беретінін ескертіп отыр. Қытай жауап ретінде АҚШ-тан келетін ауылшаруашылық өнімдеріне 10-15 пайыз көлемінде тариф енгізді. Ол наурыздың 10-да күшіне енеді. 

Арай Төлегенқызы