«Жомарт» кенішіндегі апатқа метан газының жарылуы себеп болған

Осы Ұлытау облысындағы Жомарт кенішінде метан газы жиналып, электр жабдықтарының ұшқыны кезінде жарылыс болған. Екі апта бұрын болған оқиғаға байланысты құрылған үкіметтік комиссия, апаттың алдын ала себептерін жариялады. Сондай-ақ өнеркәсіптік қауіпсіздік пен еңбекті қорғау бойынша айтарлықтай ереже бұзушылықтар анықталып, жауапты тұлғалар тобы белгілі болды.

Тергеу аясында 8 шағын комиссия құрылып, ғылыми-зерттеу институттары мен зертханаларының сарапшылары тартылған. Олар куәгерлер арасында сауалнама жүргізіп, техникалық құрылғылар мен жабдықтардың жұмысқа жарамдылығын тексерді.

«Жомарт» кенішінің жұмысы әлі тоқтап тұр. Комиссия қауіпті өндірістік объектілерде осындай оқиғалардың алдын алу шараларын әзірледі. 

Оңғар Алпысбайұлы