Араб елдері Газаны қайта қалпына келтіру жоспарын ұсынды

Каирде өткен саммитте Араб мемлекеттері лигасы Газаны қайта қалпына келтіру жоспарын ұсынды. Бастаманы жүзеге асыру үшін анклав тұрғындарын күштеп көшіру қарастырылмаған.

Араб елдерінің лидерлері халықаралық қауымдастықтарды Газа секторын қайта құруын қолдауға шақырды. Жоспарды жүзеге асыруға 53 млрд доллар қажет болмақ. АҚШ пен Израиль Араб мемлекеттері лигасының жоспарын құптамайтынын айтса, «ХАМАС» қолдау білдірген.

Бұған дейін Дональд Трамп палестиналық анклавты «Таяу Шығыс Ривьерасына» айналдыру жобасын ұсынып, бұл үшін 2 млн-нан астам газалық өзге араб елдеріне қоныс аударуы қажет деді.

Арай Төлегенқызы