Астанада үш қабатты ғимараттан өрт шықты

Астанадағы Байқоңыр ауданында жалпы аумағы 1 300 шаршы метр болатын үш қабатты ғимараттан өрт шықты. Нысанның 300 шаршы метрі жанып кеткен. Өрттің неден шыққаны белгісіз.

Төтенше жағдайлар министрлігінің мәліметінше, тілсіз жау үшінші қабатта тұтанған. Алдымен сөрелер мен төбе жанып, қызыл жалын 2-ші қабаттағы баспалдаққа дейін жеткен. Өртті сөндіру үшін 3 жауынгерлік учаске құрылып, 19 техника мен 90 адам жұмылдырылған. Тілсіз жау толығымен өшірілді. Зардап шеккендер туралы ақпарат жоқ. 

Серік Жұмабек