Басты Жаңалықтар Мемлекет басшысы Италия президентімен кездесті

Мемлекет басшысы Италия президентімен кездесті

10.03.2025 16:43

Қасым-Жомарт Тоқаев Италия Президентімен кездесті. Серджо Маттарелланы әуежайдан қарсы алып, мемлекеттер басшылары бірден келіссөз залына барды. Италия Қазақстанның басты сауда серіктестерінің арасында үшінші орын алады, сондай-ақ экономикамызға қаржы құйған бес ірі инвестордың қатарына кіреді. Өткен жылдың қорытындысы бойынша өзара сауда айналымы 20 миллиард долларға жуықтаған.

Қасым-Жомарт Тоқаев, Қазақстан Республикасының Президенті:

Италияға былтырғы сапарымнан жақсы әсер алдым. Сіздің қонақжайлық танытып, нәтижелі келіссөз жүргізуге барынша жағдай жасағаныңыздың арқасында сапарым өте сәтті өтті. Екі мемлекет түрлі салада тығыз қарым-қатынас орнатқан. Біздің нарықта біраз италиялық компания жұмыс істейді. Олардың қатары қарқынды артып келеді. Мәдени-гуманитарлық байланыстарымыз да ойдағыдай дамып жатыр. Сондықтан елдеріміздің арасында берік ынтымақтастық қалыптасқан деп санаймын.

Серджо Маттарелла Италия Президенті:

Біз шын мәнінде барлық бағытта, соның ішінде саяси, экономикалық, сауда және мәдени салаларда тамаша байланыс орнаттық. Өзара стратегиялық серіктестікті кеңейтуге мол мүмкіндік бар.

Оңғар Алпысбайұлы

Автор

Оңғар Алпысбайұлы

Бөлісу