7 жасар қызды қаққан жүргізушіге қатысты тергеу амалдары жалғасып жатыр

7 жастағы қызды жүк көлігімен соғып кеткен жүргізушіге қатысты қылмыстық іс қозғалып, ол әлі тергеліп жатыр. Қалалық полиция департаменті осылай деп хабарлады. Оқиға 6 наурыз күні Кенесары және Бейсекбаев көшелерінің қиылысында болған. Бүлдіршін жол ережеcін бұзбай, бағдаршамның рұқсат ететін белгісіне жолды қиып өтпек болған. Осы мезетте жүк көлігі оны қағып кетті. Өкінішке қарай оқушы оқиға орнында көз жұмды. Қалалық полиция департаменті көлік жүргізушілерін де, жаяу жүргіншілерді де барынша қырағы болуға шақырды.

Оңғар Алпысбай