Пәкістанда содырлар жолаушылар пойызын басып алды

Пәкістанның Белуджистан провинциясында қарулы топ 400 жолаушы мінген пойызды басып алды. Сепаратистер алдымен рельстерді жарып, оқ атқан. Жолаушыларды кепілге алды.

Бүгін түскен мәліметке қарағанда, олар кепілдегілердің кейбіреуін босатқан. Нақты саны белгісіз. Дегенмен қарулы топ 214 адамды тұтқында ұстап отырғанын айтып, оларды өлім жазасына кесеміз деп қорқытты. Шабуыл жасағандар «Белуджистанды азат ету армиясы» деп аталатын сепаратистік топ. Олар 48 сағат ішінде белуджистандық саяси тұтқындарды, белсенділерді, ізім-ғайып болған азаматтарды түрмелерден босатуды талап етті.

Арай Төлегенқызы