Астана мектептеріне қоқыс сұрыптауға арналған экобокстар қойыла бастады

Астанадағы мектептерге қоқыс сұрыптауға арналған экобокстар мен фандоматтар қойылып жатыр. «Таза Қазақстан» акциясы аясында ұйымдастырылған «Taza Like» жобасы балаларды қайта өңдеу мәдениетіне үйретеді дейді ұйымдастырушылар. Мақсат – өскелең ұрпақты табиғатты қорғауға шақырып, экологиялық мәдениетті қалыптастыру. Экосағат барысында оқушыларға акцияның маңызы түсіндіріліп, экобокстарды қалай пайдалану керегі айтылды. Сондай-ақ балалар фандоматтарды өздері құрастырып көрді. Жалпы мұндай контейнерлер экологиялық таза материалдан жасалған, қайта өңдеуге болады. Қазір Астанадан бөлек Жезқазғандағы білім беру мекелеріне де орналастырылып жатыр.

Данияр Досымбеков, «Жасыл даму» АҚ басқарма төрағасының орынбасары:

Әр экобокстың өздерінің бокстары бар. Яғни бөлек-бөлек жинақтау, соның мәдениетін қалыптастыруға, оны не үшін жасауымыз керек, оның біздің қоршаған ортаға қандай пайдасы бар осы біздің мектептегі оқушыларға түсіндіру жұмыстары жүргізіледі.

Асылбек Данияр