Германия парламенті қорғанысқа шығынды көбейтуге дауыс берді

Германия парламентінің төменгі палатасы ел конституциясын өзгертуге басым көпшілікпен дауыс берді. Соның нәтижесінде Берлин бұрынғыдан көбірек қарыз алып, қарулы күштер мен инфрақұрылымға орасан инвестиция салатын болды. Шығындарға шектеудің алынып тасталуы Еуропа қорғанысының болашағына игі әсер етіп, Украинаға қолдауды жалғастыруға мүмкіндік береді.

Кейбір бақылаушылардың ойынша, бұл шешім тарихи маңызға ие. Себебі Ресейдің Украинаға шабуылы жалғасып жатыр, ал Америка Құрама Штаттары Трамп билікке келгелі Еуропаны қорғаудан бас тарта бастады.

Заң жобасы енді Бундестагтың жоғары палатасы Бундесратқа жіберілуі керек. Құжаттың онда да қабылданатынына күмән шамалы.

Арыстан Рысбек