Басты Жаңалықтар Сенат жаңа су кодексін талқылауды бастады

Сенат жаңа су кодексін талқылауды бастады

20.03.2025 10:15

Бүгін сенат жаңадан дайындалып жатқан су кодексін талқылайды. Құжат Президенттің 2022 жылғы 8 ақпандағы Үкіметтің кеңейтілген отырысында берген тапсырмасына сәйкес әзірленген. Қоғамның, Үкіметтің және Мәжілістің талқысынан өткен кодекс бүгін Сенаттың қарауында.

Су кодексі және оған ілеспе түзетулер бүгін бірінші оқылымға дайындалған. Жаңа кодексте су ресурстарын пайдаланудан гөрі қорғауға басымдық беріліп, экономиканың барлық саласына суды үнемдеу қағидасы енгізіледі. Соңғы жылдардағы оқиғалар, соның ішінде былтырғы су тасқыны су ресурстарын басқару жүйесін реформалаудың маңыздылығын тағы да дәлелдеді. Құжат аясында су ресурстарын кешенді басқарудың бас жоспары әзірленеді. Су шаруашылығын цифрландыру саласында ұлттық ақпараттық жүйе құру жоспарланып отыр. Енді су шаруашылығы құрылымдары толық есепке алынады, сондай-ақ суару мақсатында еріген қар суын жинақтау және одан әрі пайдалану стандарттары көрсетілген. Ауыз суды техникалық мақсатқа пайдаланбау үшін техникалық сумен жабдықтау жүйелерін салынады.

Су ресурстарын қорғау және пайдалану мәселелері жөніндегі ілеспе заң жобасы аясында Азаматтық, Жер, Кәсіпкерлік және Экологиялық кодекстерге, сондай-ақ тоғыз заңға өзгеріс енгізіледі. Олар қолданыстағы заңнаманы жаңа Су кодексінің нормаларына сәйкестендіруге бағытталған.

Оңғар Алпысбайұлы

Автор

Оңғар Алпысбайұлы

Бөлісу